सुदूरपश्चिममा नेकपाले माग्यो मुख्यमन्त्री शाहको राजीनामा

धनगढी : नेपाली कम्युनिस्ट पार्टी (नेकपा) सुदूरपश्चिम प्रदेश संसदीय दलले आफ्नै नेतृत्वमा प्रदेश सरकार गठनका लागि राजनीतिक पहल अघि बढाउने निर्णय गरेको छ।बिहीबार प्रदेश संसदीय दलका नेता खगराज भट्टको अध्यक्षतामा बसेको बैठकले प्रदेशमा नयाँ सरकार गठनका लागि अन्य राजनीतिक दलहरूसँग संवाद र समन्वय गर्ने निर्णय गरेको हो।बैठकले एमालेले सरकारलाई दिएको समर्थन फिर्ता लिएपछि अल्पमतमा परेका मुख्यमन्त्री कमलबहादुर शाहलाई पदबाट मार्ग प्रशस्त गर्न आग्रह गरेको छ।