‘आइपीओ निष्कासनअघि अत्यधिक नाफामा रहेको कम्पनी केहि महिनामै कसरी घाटामा जान्छ ?’

काठमाडौं : नेपाल धितोपत्र बोर्ड (सेबोन) का अध्यक्ष डा. गोपालप्रसाद भट्टले प्रि–आईपीओ नाममा हुने अवैध क्रियाकपाललाई नियन्त्रण गर्न शून्य सहनशीलताको नीति लिइने बताएका छन् ।  सिंहदरबारमा बुधबार बसेको प्रतिनिधिसभा अन्तर्गतको अर्थ समिति बैठकमा अध्यक्ष भट्टले प्रि–आईपीओ लगायतका विषयहरूमा विगतमा के भयो भन्ने भन्दा पनि आगामी दिनमा बोर्डभित्र वा बाहिर हुने जुनसुकै गलत क्रियाकलापमा ‘शून्य सहनशीलता’ अपनाइने बताएका हुन् ।