धान रोपिरहेका महिलाको समूहमा चट्याङ पर्दा ७ घाइते

काठमाडौँ : पर्सामा धान रोपिरहेका महिलाको समूहमा चट्याङ परेको छ। चट्याङ लागेर सात जना घाइते भएका छन्। पकहामैनपुर गाउँपालिका–१ धोरेस्थित सिधौलिया जाने सीमावर्ती क्षेत्रमा महिलाले बिहीबार सामूहिक रुपमा धान रोपिरहेका बेला चट्याङ परेको हो। वर्षासँगै परेको चट्याङ लागेर पकहामैनपुर गाउँपालिका-१ बस्ने अन्दाजी ५५ वर्षीया शान्तिदेवी सहनी, ५५ वर्षीया राधिका देवी सहनी, ५५ वर्षीया रिता देवी सहनी, ५२ वर्षीया कुश्मी देवी सहनी, ४२ वर्षीया सन्ध्या देवी, ३५ वर्षीया प्रमिला सहनी र ३५ वर्षीया संगीता देवी घाइते भएका छन्। घाइतेमध्ये शान्तिदेवी सहनीको स्थानीय अस्पतालमा उपचार भइरहेको छ।