विभागले भन्यो : अत्यावश्यकबाहेक १ हप्तासम्म यातायात कार्यालयमा नआउनू

काठमाडौं : पूर्वाधार विकास मन्त्रालय अन्तर्गत रहेको यातायात व्यवस्था विभागले सेवाग्राहीलाई एक हप्ता कार्यालय नआउन आह्वान गरेको छ। आज एक सूचना जारी गर्दै विभागले करका दर र सिस्टम मिलाउनुपर्ने भएकाले अत्यावश्यकबाहेक कार्यालयमा नआउन आह्वान गरेको हो।विभागले यातायात क्षेत्रसँग सम्बन्धित विभिन्न प्रणालीहरुलाई सेवाग्राहीमैत्री र थप व्यवस्थित गर्नका लागि डाटा स्थानान्तरण र प्रदेश सरकारबाट तोकिएका नयाँ करका दररेटहरु प्रविष्टी तथा मिलान कार्य भइरहेको जनाएको छ।