पृथ्वी राजमार्गतिर हेर त सरकार

देशको राजधानी काठमाडौंलाई बाँकी नेपालसँग सडक यातायातबाट जोड्ने एउटै पृथ्वी राजमार्ग छ। पूर्वदेखि पश्चिमका लागि भरोसायोग्य अरू विकल्प छैन। अर्थात् देशको मूल राजमार्ग नै यसैलाई भन्दा हुन्छ। तर, यसको हालत राजमार्गको जस्तोचाहिँ छैन। साँघुरो सडक छ, विकसित देशहरूका नजरबाट हेर्दा यसलाई राजमार्ग भन्ने स्तर पुगेको छैन। बल्लतल्ल दुई लेनको सडक छ। तै मुग्लिनबाट पोखरातिर भने फराकिलो सडक बनिसक्यो, काठमाडौं–मुग्लिनको काम भइरहेको भए पनि कहिले पूरा हुने हो थाहा छैन।