नयाँ सहकार्यको स्थिति बनेमा एमाले नै नेकपाको पहिलो प्राथमिकता : लेखनाथ दाहाल

काठमाडौं : नेपाली कम्युनिष्ट पार्टी (नेकपा) का नेता लेखनाथ दाहालले प्रदेश सरकारमा संवैधानिक संकट आउने अवस्था सिर्जना भए मात्रै नेकपा सरकारमा सहभागी हुने बताएका छन् ।मंगलबार काठमाडौंमा आयोजित कार्यक्रममा नेता दाहालले प्रदेश सरकारमा संवैधानिक संकट आउने अवस्था सिर्जना भएमा वा आफ्नो उपस्थिति बिना सरकार नै नबन्ने परिस्थिति बनेमा मात्र सरकारमा सहभागी हुने नीति रहेको बताएका हुन् ।उनले  हालको गठबन्धन बन्नु वा भत्किनुमा आफ्नो कुनै भूमिका नरहेको र दुई दलको आन्तरिक कारणले भइरहेको उल्लेख गरे ।