फुक्काफाल सामाजिक सञ्जाल

खाना खाँदादेखि शौचालय जाँदासम्म हातमा ग्याजेट नभई नहुने कुलतमा देखिन्छन् अचेलका बालबालिका। चोक, चौतारा र खुला चौरमा केटाकेटीहरू उफ्रने, खेल्ने र रमाइलो गर्नेभन्दा घरभित्रै धुमधुम्ती मोबाइल वा ट्याबमा भुल्ने आदत देखिन्छ। अभिभावक पनि हैरान छन् तर त्यस्तो कुलतबाट छुटाउनै मुस्किल भएको बताउँछन् अभिभावकहरू। भौतिक रूपमा खेल खेल्नेभन्दा मोबाइल र ट्याबको दुनियाँमा मात्रै बालबालिका भुलेका छैनन्, सामाजिक सञ्जालको भुलभुलैयामा पनि परेका छन्।