बीपी विचारको सजीव विरासत

बीपीको महत्व बुझ्न आजको नेपाली डायस्पोरामात्र काफी छैन। यसको महत्व नेपाली राजनीति, साहित्य र समाजवाद हुँदै भारत तथा समग्र दक्षिण एसियामै पुग्दा पनि दायरा सानै हुन पुग्छ। विश्वले उनलाई एक राजनीतिक, ऐतिहासिक तथा साहित्यिक व्यक्तित्वका रूपमा स्वीकारेको मनन् गर्न सकिन्छ। उनको समाजवादी ओजबारे जोन ह्वेप्टन, लियो ई. रोज तथा भोला चटर्जीकै कृतिहरू काफी छन्। नेपाली सन्दर्भमा समाजवादको ‘नोमेन्क्लेचर’ वा न्वारानकर्ता भने बीपी नै हुन्।