जग्गाको सट्टा, जग्गाको वाचा

काठमाडौं : पशुपति क्षेत्र विकास कोषको मूल गेटअगाडि विगत ८० दिनदेखि हरेक बिहान एउटा शान्तिपूर्ण तर कारुणिक दृश्य देखिन्छ। उमेरले पाका, युवा र महिलाहरू भुइँमा बसेर निरन्तर धर्ना दिइरहेका छन्। विगत तीन दशकदेखि पशुपति क्षेत्र वरपर बस्दै आएका यी करिब १०० परिवारको दैनिकी अहिले घरको आँगनमा होइन, कोषको ढोकामा न्याय माग्दै बित्ने गरेको छ।कुनै समय आफ्नो स्वामित्वमा रहेको घरजग्गा पशुपति गुरुयोजनाका लागि बुझाएका बी–१३ क्षेत्रका यी बासिन्दा अहिले आफ्नै भूमिमा सुकुम्बासीझैं जीवन बिताउन बाध्य छन्।