ऐन फेरियो, नियत फेरिएला ?

पुल, सडक, सिँचाइ वा जुनसुकै आयोजना निर्धारित समयमा सकिँदा पनि आश्चर्य मान्नुपर्ने अवस्था छ नेपालमा। पञ्चायतकालमा सुरु भएर अहिलेसम्म नसकिएका आयोजनामात्रै होइन, राणाकालमा बनेका योजना अहिलेसम्म कार्यान्वयन नभएका उदाहरण आँखैअघि छन्। हुलाकी राजमार्ग राणाकालमा सुरु भएको हो, अहिलेसम्म पूरा भएको छैन। पुस्ता फेरिँदा पनि आयोजना पूरा नहुनुको मुख्य कारण सरकारको लापरवाही नै हो।