बनेपा धुलिखेल सार्वजनिक बसमा पाकेट मार्ने ४ जना पक्राउ

काभ्रे : बनेपा धुलिखेल पनौतीको सार्वजनिक बसमा पाकेट मारेर नगद चोरी गरेको आरोपमा चारजना पक्राउ परेका छन्। जिल्ला प्रहरी कार्यालय काभ्रेका डीएसपी रवीन विष्टका अनुसार पक्राउ पर्नेहरूमा बेथानचोक गाउँपालिका–६ ३० वर्षीय आकाश भन्ने विनोद आलेमगर, ३१ वर्षीय रिक्सन तामाङ भन्ने श्याम तामाङ, ३० वर्षीय सोनाम लामा र मकवानपुरको फापरबारीका ३५ वर्षीय बालकृष्ण मगर पक्राउ परेका हुन्।