मिटरब्याज उन्मूलनतर्फ सरकार : फर्जी लिखत बुधबारदेखि अवैध

काठमाडौं : सरकारले मिटरब्याजका नाममा तयार पारिएका तमसुक, दृष्टिबन्धक, रजिस्ट्रीकरण, बाध्यकारी चेकलगायतका सबै फर्जी लिखत अवैध घोषणा गरेको छ।मन्त्रिपरिषद्को बुधबारको बैठकले मिटरब्याजपीडितसँग भएको पाँचबुँदे सम्झौता अनुमोदन गर्दै मिटरब्याजलाई छुट्टै आर्थिक अपराधका रूपमा कानुनी दायरामा ल्याउने निर्णय गरेको हो। पीडितको गुमेको सम्पत्ति फिर्ता दिलाउने र दोषीमाथि सम्पत्ति शुद्धीकरणसमेतका कानुनअन्तर्गत अनुसन्धान गर्ने प्रक्रिया पनि सरकारले अघि बढाएको जनाएको छ।