उत्पादनका आधारमा मात्र कृषि अनुदान

गोरखा : उत्तरी गोरखाको धार्चे गाउँपालिकाले वास्तविक किसान पहिचान गरी अनुदान दिएको छ। गाउँसभाले निर्णय गरेअनुसार सो पालिकाले कृषि तथा मासुजन्य बस्तु उत्पादन गर्नेहरूलाईमात्र अनुदान वितरण गरेको हो।यस आर्थिक वर्ष पालिकाले कृषि तथा मासुजन्य उत्पादनमा अनुदान दिनका लागि ४० लाख रुपैयाँ बजेट विनियोजन गरेको थियो। सोही रकमबाट कृषि तथा पशुपालन व्यवसाय गरिरहेका धार्चेका किसानहरूलाई अनुदान वितरण गरिएको कृषि शाखाका प्रमुख अनिल नेपालीले जानकारी दिए।